今天看新聞, 跑馬拉松竟然有作假問題,  有教練借用他人的號碼布出賽陪跑, 有不同參賽者使用相同號碼布. 有女參賽者使用男子組的號碼布...

10KM,半馬,全馬STEVE都跑過. 亦都是抱著參加嘉年華心態去玩,自己完全無壓力. 但聽到運動員及教練唔守規矩, 被人揭穿過後還砌詞狡辯, 真的對那些老實參賽選手不公平! 首先, 參賽選手有陪跑協助, 難免得益, 與考試出猫無異, 就算教練沒有誇張到當徒弟累時把她揹在身上跑, 但跑時有人提點, 帶水, 帶食物, 擋風擋雨巳對其他選手不公平了. 使用他人的號碼布與考試時用他人準考証無異,也有請槍的嫌疑.

兩位選手使用相同的號碼布就令人噴飯, 如果不是舉辦大會搞錯重覆,就肯定其中一個選手是用假號碼布,  想不到車牌有假, 跑手號碼布也有假... Steve想到的可能原因如下:

1. 造假選手過了報名限期, 無法報名但又熱愛馬拉松, 只好做個假的號碼參賽.

2.  造假選手因為金融海嘯, 經濟有問題, 窮得連報名費$300也交不了, 所以造假.

3. 造假選手為了可以免費吃賽會在賽道上提供的免費朱古力,香蕉, 鴨梨, 喝免費的蒸餾水,寶礦力, 淋個免費的海綿水, 所以造假.

4. 其他請網友留言提供...

其實參賽人數太多, 賽會雖然不會嚴格檢查選手真偽, 但如果想有記錄, 必須要綁計時晶片, 計時晶片是難以造假, 為何不規定所有選手綁晶片, 再把選手相片輸入晶片內, 經過check point時顯示出來, 真假就一目了然. 大家跑馬拉松記得要有體育精神啊! 不要忘記到處有人替你影相, 只要對一對相片及號碼再上網查一查, 就可以起你的底了. ^^

相關文章 :  2008 的渣打馬拉松

第1次跑10公里賽是 2005年, 明知無可能贏得任何名次, 參賽主要目的是set 下目標挑戰自己. 事前都做大量的練習. 該次成績個人時間是 1小時01分. 跑得十分輕鬆. ^^

第2次跑21分里半馬是2006年, 專登參加某間學校的校隊練習. 跑得反而比較辛苦. 最辛苦係出西隧上干若道天橋那段. 幾乎係以行路速度前進, 上左天橋飲左水才開始再發力. 結果該次成績個人時間是2小時21分.

今年就跑左42公里全馬,結果全軍覆沒. 由於新年去左旅行完全無練習. 身體真係適應唔到. 再加上自己又帶著玩玩下的心情參加. 一路跑一路影相. 前段阻晒時間, 回程落青馬大橋時諗住追番時間, 加上天氣又熱, 結果賣老抽, 係3號幹線搽完松節油好返點. 跟住繼續跑, 跑到奧海城時又抽筋. 當時巳跑到32公里. 又開始腳板疼, 原來起左水泡. 睇住個西隧又有恐懼症. 諗住第日返工,唔好去太盡. 終於上巴士. >.<

今日報名參加既都係42公里. 希望抽到練習時間. 無充足練習, 身體無可能短期適應. 到時要認真d跑. 頭段唔可以再浪費時間. 希望可以完成. 個target係完成比賽. 如果可以拉多幾個朋友一起跑就唔覺悶, 好快沖終點:)